Je' Diri' Bapantun | Mari Kita Berpantun | Come Let Us 'Berpantun'

Pantun nyian kungarang tanggal duapuluh talu, buatn tujuh, tahutn dua ribu tujuh an lapas. Ada labih dua ratus rangkap samue'e. Kania' aku makunsiatn ia cara mupuk-mupuk. Bakemat jare urakng.

Pantun ini saya karang pada tanggal duapuluh tiga, bulan tujuh, tahun dua ribu tujuh yang lepas. Ada lebih dua ratus rangkap kesemuanya. Sekarang saya kongsikan secara berdikit-dikit. Berjimat kata orang.

This pantun I composed on the twenty third day of the seventh moon, of the year two thousand seven. There are more than two hundred verses (metrical compositions) altogether. Now I am sharing them in installments. Being prudent, they say.

Sarumpun kaum Salako;
Bansa asal Dayak sajati;
Nyian pantun sa’ repo-repo;
Arap dapat ngiburatn ati.

Sakit paha sampe ka batis;
Ampus barobat kampokng Salako;
Awal-awal kumare’ notis;
Nyian pantun sa’ repo-repo.

Riupm bau kambang kasi’an;
Tumuh raya pucuk angkabakng;
Ame kau coba-cobaan;
Aku nyian dah ampu’ urakng.

Bato banar rumah pangulu;
Tihakng sari batimpa’-timpa’;
Bukatn aku bai’ ka kau;
Dah kana pinang bapa’ kamuda’.

Reot-reot nuna’atn dangan;
Ampus ka pasar malilah arakng;
Ia’ sombong barang di tangan;
Kade’ ke’e dirampas urakng.

Nyarekng sidi munyi kantute;
Sampe ngaramus ka Bale Leman;
Rondeng-rondeng jamae patute;
Asal dapat barang an nyaman.

Anak burukng nyangkap di kayu;
Binau bereng di puhutn tarap;
Ana’ sape mao ka kau;
Paha bakoreng badan bakurap.

Kampokng Sabiris samak ngan pasar;
Tampat urakng manihi’ padi;
Ame kau balagak basar;
Kade’ kutengkekng jaji ka badi.

Anak rimong si anak singa;
Anak pianuk pane malutut;
Matak diri’e babau bunga;
Siasat abis babau kantut.

Repo sidi kami kotai;
Makatn baroa makan batate;
Babuat baik ia’ sakai;
Tarus-tarusatn biar ngan sape.

Bato banar sarakng tingkakok;
Ana’ malawan sarakng tampua;
Bini dibiar anak dialok;
Masang baya’ ka sia-sia.

Nutuk tapukng padi barahu;
Ngadang tamoe ampat di jauh;
Pantang nanang duit baribu;
Samo’e dayakng mao dikayuh.

Bujakng Sanorekng sasat di Poe;
Diapm sakajap rumah pamanca;
Uka’ di badan dapat dibore;
Sakit di daapm ana’ takira.

Dayakng Panamukng jaatne serong;
Gari' batis paha baosong;
Idup diri’ amelah sombong;
Silap-silap parut mao’ bosong.

Koa. Mudahan ngiburatn kita'.
Demikian. Harap anda terhibur.
That's it. Hope you are pleased.